Dil Shayari

Aaj Bhi Vo Ehsaas Zinda Hai Is Dil Me,
Jab Palke Uthake Pehlibar Dekha Tha Tumne,
Aaj Bhi Kabhi-Kabhi Yun Hi Muskan Aati Hai Hothon Pe,
Jab Mujhe Dekh Ke Pehlibar Muskuraya Tha Tumne,
Aaj Bhi Badh Jati Hai Ye Dhadkane,
Jab Pehlibar Chhua Tha Tumne,
Kya Hua Agar Aaj Hum Sath Nahi Hain,
Fir Bhi Tumhara Har Ehsaas Zinda Hai Is Dil Me..

 1 People liked it

Mere qabu mein na peharon dil-e-nashad aaya
wo mera bhulane vala jo mujhe yaad aaya
dil-e-viran se raqibon ne muraden pain
kam kis kis ke mera khirman-e-barbad aaya
lijiye suniye ab afasana-e-furqat mujh se
aap ne yaad dilaya to mujhe yaad aaya
di mu'azzin ne azan vasl ke shab pichale pahar
haye kambakht ko kis waqt khuda yaad aaya
bazm mein un ke sabhi kuch hai magar “dag” nahi
mujh ko wo khana-kharab aj bahut yaad aaya

 1 People liked it

Aandhi chali to naqsh-e-kaf-e-pa nahi mila
dil jis se mil gaya wo dubara nahi mila
aavaz ko to kon samajhata ki dur dur
khamoshiyon ka dard-shanasa nahi mila
hum anjuman mein sab ke taraf dekhte rahe
apani tarah se koi akela nahi mila
kachche ghade ne jit li nadi chadhi hui
mazabut kashtiyon ko kinara nahi mila
 

 1 People liked it

Main wo majanun hun jo nikalun kunj-e-zindan chodakar
seb-e-jannat tak na khaun sang-e-tiflan chodakar
main hun wo gumanam jab daftar mein naam aaya mera
reh gaya bas munshi-e-kudarat jagah van chodakar
ahal-e-jauhar ko vatan mein rahane deta gar falak
lal q is rang se aata badakhshan chodakar
ghar se bhi vaqif nahi us ke ki jis ke vaste
baithe hain ghar-bar sab hum khana-viran chodakar
in dinon garche dakan mein hai badi qadr-e-sukhan
kon jaye “zauq” par dilli ke galiyan chodakar

 1 People liked it