Dil Shayari

Vahashat-e-dil sila-e-abalapai le le
mujh se ya rab mere lafzon ke kamai le le
aql har bar dikhati thi jale hath apne
dil ne har bar kaha aag parai le le
main to us subah-e-darakhshan ko tavangar janun
jo mere shahar se kashkol-e-gadai le le
tu gani hai magar itni hain sharayat meri
ye mohabbat jo hamen ras na aayi le le
apne divan ko galiyon me liye phirta hun
hai koi jo hunar-e-zakhmnumai le le

 0 People liked it

Chalo ik bar phir se ajanabi ban jayen hum donon
na main tum se koi umeed rakhun dil navazi ke
na tum meri taraf dekho galat andaz nazron se
na mere dil ke dhadakan ladakhadaye meri baton mein
na zahir ho tumhari kashmakash ka raz nazron se
ta'arruf rog ho jaye to us ko bhulana behatar
ta'alluq bojh ban jaye to us ko todana acha
wo afsana jise takamil tak lana na ho mumakin
use ek khubasurat mod dekar chodana acha
chalo ik bar phir se ajanabi ban jayen hum donon

 0 People liked it

Yahin ke thi mohabbat ke sabaq ke ibtada main ne
yahin ke jurrat-e-izhar-e-harf-e-mudd'a main ne
yahin dekhe the ishv-e-naz-o-andaz-e-haya main ne
yahin pahale suni thi dil dhadakane ke sada main ne
yahin kheton mein pani ke kinare yaad hai ab bhi
dilon mein izdaham-e-arazu lab band rehte the
nazar se guftagu hoti thi dam ulfat ka bharate the
na mathe par shikan hoti, na jab tevar badalate the
khuda bhi muskura deta tha jab hum pyar karte the
yahin kheton mein pani ke kinare yaad hai ab bhi
wo kya aata ke goya daur mein jam-e-sharab aata
wo kya aata rangili ragani rangin rabab aata
mujhe ranginiyon mein rangane wo rangin sahab aata
labon ke mein pilane jhumata mast-e-shabab aata
yahin kheton mein pani ke kinaro yaad hai ab bhi
haya ke bojh se jab har qadam par lagazishen hotin
fazan mein muntasar rangin badan ke larazishen hotin
rabab-e-dil ke taron mein musalasil jumbishen hotin
khifa-e-raz ke purlutf baham koshishen hotin
yahin kheton mein pani ke kinare yaad hai ab bhi
bala-e-fikr-e-farda hum se koson dur hoti thi
surur-e-sarmadi se zindagi mamur hoti thi
hamari khilwat-e-masum rashq-e-tur hoti thi
malak jhula jhulate the gazal-khwan hur hoti thi
yahin kheton mein pani ke kinare yaad hai ab bhi
na ab wo khet baqi hain na wo aab-e-rawan baqi
magar us aish-e-rafta ka hai ik dhundala nishan baqi

 0 People liked it

Kon kehta hai tujhe main ne bhula rakha hai
teri yadon ko kaleje se laga rakha hai
lab pe aahen bhi nahi aankh mein aansu bhi nahi
dil ne har raz muhabbat ka chupa rakha hai
tune jo dil ke andhere mein jalaya tha kabhi
wo diya aj bhi sine mein jala rakha hai
dekh ja aake mahakate huye zakhmon ke bahar
main ne ab tak tere gulashan ko saja rakha hai

 0 People liked it