Dil Shayari

Sham ho jam ho subu bhi ho
tujh ko pane ke justaju bhi ho
dil se dil ke kahaniyan bhi sune
aankhon aankhon mein guftagu bhi ho
jhil si gahari sabz aankhon mein
dub jane ke aarzoo bhi ho
sirf tere badan ke shama jale
aur andhera-sa charsu bhi ho

 0 People liked it

Roya karenge aap bhi paharon isi tarah
ataka kaheen jo aap ka dil bhi meri tarah
na tab hijr mein hai na aaram vasl mein
kamabakht dil ko chain nahi hai kisi tarah
gar chup rahen to gam-e-hijran se chut jayen
kahate to hain bhale ke wo lekin buri tarah
na jaye van bane hai na bin jaye chain hai
kya kijiye hamen to hai mushkil sabhi tarah
lagti hain galiyan bhi teri mujhe kya bhali
quraban tere, phir mujhe kah le isi tarah
hun janbalab butan-e-sitamagar ke hath se
kya sab jahan mein jite hain “momin” isi tarah

 0 People liked it

Mere khwabon ke jharokon ko sajane wali
tere khwabon mein kaheen mera guzar hai ki nahi
puchakar apni nigahon se batade mujhko
meri raton ke muqaddar mein sahar hai ke nahi
char din ke ye rafaqat jo rafaqat bhi nahi
umr bhar ke liye aazar hui jati hai
zindagi yun to hamesha se pareshan-si thi
ab to har sans giranbar hui jati hai
meri ujadi hui nindon ke shabistanon mein
tu kisi khwab ke paikar ke tarah aai hai
kabhi apni si kabhi gair nazar aati hai
kabhi ikhalas ke murat kabhi harajai hai
pyar par bas to nahi haimera lekin phir bhi
tu bata de ki tujhe pyar karun ya na karun
tune khud apne tabassum se jagaya hai jinhen
un tamannaon ka izahar karun ya na karun
tu kisi aur ke daman ke kali hai lekin
meri raten teri khushbu se basi rahati hain
tu kaheen bhi ho tere phul se aariz ke qasam
teri palaken meri aankhon pe jhuki rahati hain
tere hathon ke hararat tere sanson ke mahak
tairati rahati hai ehasas ke pahanai mein
dhundhati rahati hain takhail ke banhen tujh ko
sard raton ke sulagati hui tanahai mein
tera altaf-o-karam ek haqiqat hai magar
ye haqiqat bhi haqiqat mein fasana hi na ho
teri manus nigahon ka ye mohatat payam
dil ke khoon karne ka ek aur bahana hi na ho
kon jane meri imroz ka farda kya hai
qurbaten bad ke pasheman bhi ho jati hai
dil ke daman se lipatati hui rangin nazaren
dekhte dekhte anjan bhi ho jati hai
meri daramanda javani ke tamannaon ke
muzmahil khwab ke tabir bata de mujhko
tere daman mein gulistan bhi hai, virane bhi
mera hasil meri taqdir bata de mujhko

 0 People liked it

Hai mashq-e-sukhan jari chakki ke mushaqqat bhi
ek turfa tamasha hai “hasrat” ke tabiyat bhi
jo chaho saza de do tum aur bhi khul khelo
par hum se qasam le lo ke ho jo shikayat bhi
khud ishq ke gustakhi sab tujh ko sikha degi
ae husn-e-haya-parvar shokhi bhi sharat bhi
ushaq ke dil nazuk us shokh ke khu nazuk
nazuk isi nisabat se hai kar-e-muhabbat bhi
ae shauq ke bebaki wo kya teri khvahish thi
jis par unhen gussa hai inkar bhi hairat bhi
hain ‘shad'-o-'safi' shayar ya ‘shauq'-o-'wafa' “hasrat”
phir ‘danish'-o-'mahashar' hain ‘iqbal' bhi ‘vahashat' bhi

 0 People liked it