Dil Shayari

Karb ke shahar se nikle to ye manzar dekha
hum ko logon ne bulaya hamen chu kar dekha
jab bhi chaha hai ki malabus-e-vafa ko chu lain
misl khushbu koi udata hua paikar dekha
wo barsat mein bhiga to nigahen utthin
yon laga hai koi tarsha hua pathar dekha
zindagi kitni pareshan hai ye socha bhi na tha
is ke ataraf mein sholon ka samandar dekha
aa gai gham ke hawa phir tere gesu chukar
hum ne virana-e-dil phir se mu'attar dekha
wo jo udati hai sada dasht-e-vafa mein “afzal”
usi matti mein nihan dard ka gohar dekha

 0 People liked it

Zamana yaad tera ae dil-e-nakam aata hai
tapak padate hain aansu jab wafa ka naam aata hai
wafa tum se karenge dukh sahenge naz uthayenge
jise aata hai dil dena use har kam aata hai
akele karavaten hain raat bhar bistar pe aur hum hain
kahan pehlu ko khali dekh kar aaram aata hai
hasinon mein basar kar di javani ‘arzoo' hum ne
lagana dil ka sikhe hain yahi ik kam aata hai

 0 People liked it

Jahan talak bhi ye sehra dikhai deta hai
meri tarah se akela dikhai deta hai
na itna tez chale sar-phiri hawa se kaho
shajar pe ek hi patta dikhai deta hai
bura na maniye logon ke aib-jui ka
inhen to din ka bhi saya dikhai deta hai
ye ek abr ka tukara kahan kahan barase
tamam dasht hi pyasa dikhai deta hai
wo alvida ka manzar wo bhigati palaken
pas-e-gubar bhi kya kya dikhai deta hai
meri nigah se chup kar kahan rahega koi
ke ab to sang bhi shisha dikhai deta hai
simat ke rah daye aakhir pahar se qad bhi
zamin se har koi uncha dikhai deta hai
ye kis maqam pe lai hai justaju teri
jahan se arsh bhi nicha dikhai deta hai
khili hai dil mein kisi ke badan ke dhup “shakeb”
har ek phul sunehara dikhai deta hai

 0 People liked it

Rasm-E-Ulfat Sikha Gaya Koi,
Dil Ki Duniya Pe Chha Gaya Koi,
Taa Qayamat Kisi Tarah Na Bujhe,
Aag Aisi Laga Gaya Koi…

 0 People liked it